旅行自由行行山或輕鬆散步唔係未試過，遠的有澳洲塔斯曼尼亞酒杯灣、搖藍山、近的日本富士山…第四次來台灣，唔係行程太趕，掛住浸溫泉，就係天氣唔好要留在室內，適逢今次睇演唱會的悠閒好玩之旅天公造美，買到便宜台北住宿機加酒，終可加插呢個一日遊：我近年好喜愛的台北行山環節。

台灣名山好去處首推位於中部的玉山，今次時間短絀，未有機會去咁遠，我們到訪了位於台北信義區，被喻為四獸山之一的象山。台北象山，因為外型似隻象而得名(咪好似我地的獅子山？)，與鄰近的虎、獅、豹山合稱為四獸山。象山同獅子山真係有幾分相似，都是位於台北市區中心，唔需要攀山涉嶺自由行就可輕易到達，是非常方便好玩的好去處。

乘坐台北捷運信義線到象山站，2號中強公園出口即可看到「象山親山步道」的指示。去之前上網睇都知呢條山步道路線短，來回連休息加睇風景約2小時，非常適合遊客；沿途主要係梯級，所以好Casual短T shirt、短褲已經足夠，唔需要特別的行山鞋同行山裝備。一行三人去完Family Mart 一人買了一枝水後，正式於5點鐘開始台北行山之旅！