台北好去處:去台灣睇演唱會其實唔難!(附行程及台北酒店推介)

台北自由行-台北住宿-台北好去處-台灣自由行

北自由行是如何煉成的?今次往台北住宿在那裡?想找台北酒店推介?有甚麼另類台北好去處?這次就來一趟特別的台灣自由行行程!十幾年前中學時代因為一首Yellow就成為了英國樂隊Coldplay的小fan,當年2009 Viva La Vida Tour有幸在香港Arena睇過佢地Live的演出,一直念念不忘,仲記得完場時大家一直哼住Viva La Vida的副歌離開,氣氛真係不得了。及後Coldplay的兩個Tour亞洲區都只得日本站,種種原因最後都錯過了。

到今次A Head Full of Dreams Tour雖然佢地都係唔去香港,但亞洲區就多左好多分站,除咗必定有的日本,仲有台灣台北、菲律賓同新加坡。連續錯過兩個Tour,今次呢個台北行程真係不容有失,收到消息立即打畀演唱會鐵腳豪哥問下佢有冇興趣同行,豪哥爽快答應,我隨即聯絡台灣朋友幫手買演唱會飛。原先得一場買唔到 (冇錯係連出動埋台灣朋友都買唔到,黃牛炒到接近一萬蚊一張飛!),非常幸運地Coldplay台北加開一場,令我地都買到飛。如果唔係好似我咁有朋友幫手買飛,其實都冇問題,因為台灣演唱會的購票過程同香港係一樣,都係坐定定準時上網買,而拎飛方面更加唔洗擔心,現場會有取票區。

台北自由行-台北住宿-台北好去處-台灣自由行-收到台灣朋友寄來既演唱會門票(本身就係紀念品!)
▲台北自由行出發:收到台灣朋友寄來既演唱會門票(本身就係紀念品!)
台北自由行-台北住宿-台北好去處-台灣自由行-演唱會前呢段時間都係不停Loop Coldplay隻新碟
▲演唱會前呢段時間都係不停Loop Coldplay隻新碟
台北自由行-台北住宿-台北好去處-台灣自由行-搵埋件陳年Coldplay T,加個大Backpack,可以出發啦
▲搵埋件陳年Coldplay T,加個大Backpack,可以出發去台北啦!

期待已久終於到11/4出發去台北,今次坐之前襯平買的中華航空(HK$1127,復活節長假前都算抵啦),比想像中好,仲有炒麵食添!好過因航啦 XD。

台北自由行-台北住宿-台北好去處-台灣自由行-華航機票內容
▲華航台北機票內容
台北自由行-台北住宿-台北好去處-台灣自由行-有個炒麵食,好過冇啦
▲有個炒麵食,好過冇啦!
台北自由行-台北住宿-台北好去處-台灣自由行-捷運都為Coldplay做好準備
▲捷運都為Coldplay做好準備

一個鐘多少少就順利到達,今次係第四次來台北,一落機有種說不出嘅熟悉感覺!來之前台灣朋友都提定台北天氣麻麻地,將會有雨加大風。現場所見天色真係灰灰暗暗,心中希望晚上睇演唱會時唔好落雨。拎完個大Backpack就即刻走去試試2017年2月2日先開通的桃園機場捷運 (可以直達台北,唔洗再搭客運,爽!)今次Coldplay 演唱會的場地係桃園高鐵站前,幾個站就到!

一落車即刻衝去借Locker放Backpack,可惜桃園機鐵站既Locker一早已經full晒,幸好在機鐵站旁的購物好去處GLORIA OUTLETS華泰名品城順利搵到一個 (同日本premium outlet一樣樣)!話說搵Locker途中有個小插曲,當時我已入錢準備鎖Locker門,有兩位台灣女生過來問我地係咪都係睇Coldplay,可唔可以將佢地個包包一齊放再夾返錢,呢個情況相信在香港絕對冇可能發生,我地當然冇所謂啦,最後錢冇收,鎖埋佢地個袋就約定睇完一齊來拎。

與此同時,台北天氣開始轉壞,落住雨又愈來愈凍,睇睇個訊號牌,得16度,得件薄外套真係唔夠洗!幾經辛苦終於買到件雨衣,去埋7 eleven食少少野就入場等喇!

台北自由行-台北住宿-台北好去處-台灣自由行-黃色的雨衣像是帶著神秘,襯埋Coldplay首Yellow添呀
▲黃色的雨衣像是帶著神秘,襯埋Coldplay首Yellow添呀!
台北自由行-台北住宿-台北好去處-台灣自由行-正式進場,好多野唔帶得
▲正式進場,好多野唔帶得

大會的安排相當不俗,演唱會門票本身除了劃區亦有劃位,排隊進場時已分好邊個先邊個後,唔洗爭。台灣朋友果然非省油的燈,我地張台北演唱會飛原來係區內既第一行,除咗有鐵馬可以借力狂跳之外,前面仲要無遮無擋,簡直係無得頂呀。等到6點幾暖場嘉賓終於出場,不過佢地唱左大半個鐘個場都係唔暖…冷冰冰的。

台北自由行-台北住宿-台北好去處-台灣自由行-我地企D3區,台就唔係好近,不過前面無遮擋已經好開心
▲我地企D3區,台就唔係好近,不過前面無遮擋已經好開心!
台北自由行-台北住宿-台北好去處-台灣自由行-澳洲暖場女樂團,佢話自己以前做Busking,可能當年澳洲見過佢都唔定
▲澳洲暖場女樂團,佢話自己以前做Busking,可能當年澳洲見過佢都唔定!

7點半Coldplay準時到達開場,Chris Martin狀態大勇,極速入局。一連獻唱經典歌曲,包含Yellow、The Scientist、Viva la Vida、In My Place、Fix You… 再加上新碟的Bird、Everglow等等、台下人立刻陷入瘋狂狀態,身邊嘅尖叫聲不絕!唱到半路,天公不造美,落起雨來,但大家都無視,繼續跳繼續大聲跟住唱,強勁既音響效果配上特備進口既煙花,一片夢幻的感覺,難怪台灣Fans也大叫Dream come true。

台北自由行-台北住宿-台北好去處-台灣自由行-等左好耐,Coldplay終於出場
▲等左好耐,Coldplay終於出場
台北自由行-台北住宿-台北好去處-台灣自由行-特備的煙花,令現場氣氛更熾熱
▲特備的煙花,令現場氣氛更熾熱
台北自由行-台北住宿-台北好去處-台灣自由行-Chris Martin 傾力演出,聽到台下既人如痴如醉
▲Chris Martin在台北傾力演出,聽到台下既人如痴如醉
台北自由行-台北住宿-台北好去處-台灣自由行-大會提供手發光帶,由Coldplay控制,唔同歌曲亮起唔同顏色,一路舉高隻手,好High
▲大會提供手發光帶,由Coldplay控制,唔同歌曲亮起唔同顏色,一路舉高隻手,好High!
台北自由行-台北住宿-台北好去處-台灣自由行-現場雨勢忽大忽細,但無損Coldplay四子的雅興,保持一貫專業的演出
▲現場雨勢忽大忽細,但無損Coldplay四子的雅興,保持一貫專業的演出

Chris在舞台上來回奔跑,加上招牌大型氣球、毫不吝嗇的煙花、台下一起互動的閃光手帶,全場都玩得好High!演唱會尾段,Chris仲即興創作一首Taiwan Song送俾台灣,全場氣氛推至高峰。

台北演出2小時絕無欺場,今個Trip不枉此行。同一個show,同一個rundown,來之前我已經在YouTube loop左好多次,但現場睇真係兩碼子的事,嗰股震撼心靈的力量非筆墨形容。睇完就知點解Coldplay唔來香港,佢地對場地的要求 (露天、企得4萬人、可以放大型煙花、可以播強勁音效),香港唯一滿足到的係大球場,但跑馬地附近的人點會肯呀。

餘音繞樑,演唱會已過近半個月,腦中仍然loop住個rundown,仍舊沉醉著。人生有個演唱會腳的確係好極,下次終極目標,英國Glastonbury !

台北住宿:Flip Flop Hostel

來看我的台北酒店推介。睇完Show,雨落得愈來愈大,冒著雨去Outlet拎埋Backpack,俾埋個包包台灣女生之後,我地就去坐捷運出台北車站的Flip Flop Hostel check in。是次台北住宿推介:呢間Hostel真係值得力推,佢的Check in 時間去到零晨2點,岩晒我地呢D夜鬼;位置方便,距離捷運站只有幾分鐘嘅路程,對面仲有間Seven Eleven,旅客好去處應有盡有。

台北自由行-台北住宿-台北好去處-台灣自由行-台北住宿:Flip Flop Hostel,有124好評,絕對有佢的原因
▲台北住宿:Flip Flop Hostel,有124好評,絕對有佢的原因!

其實我去完澳洲Working Holiday之後都冇再住過hostel,難得今次可以同演唱會腳住吓,回味一吓一齊歐洲Grad Trip的日子。呢間台北hostel設備好完善,房夠大,有獨立locker,床舖舒適,廁所位又夠多又乾淨,Common area夠大仲要有早餐提供,呢間可能係我人生中住過最好既Hostel,絕對值得推介。

今次我地入住三人房,每人每晚都只係550台幣,即約HKD120,獨行的時候,Hostel真係一個好選擇,唔洗一個人住酒店咁貴。咁岩得咁橋,室友又係香港人,又係岩岩睇完Coldplay,估計呢兩日台北都充斥住來睇演唱會的人吧。

台北自由行-台北住宿-台北好去處-台灣自由行-Hostel 既common area
▲Hostel嘅common area
台北自由行-台北住宿-台北好去處-台灣自由行-我地入住既三人房
▲台北住宿推介:我地入住嘅三人房

去台灣睇演唱會告一段落,仲想睇埋有咩台北好去處啱大家玩,睇埋小弟下一篇Blog啦!

當鑽石愛上粉嶺

生活迫人得來又淡淡似是流水
開個page歸隱避世
post下鎖事
記下遊蹤
留個紀錄

GoFlyLa
酒店機票旅遊優惠代碼

Leave a Comment

Contact Us

We're not around right now. But you can send us an email and we'll get back to you, asap.

Not readable? Change text. captcha txt

Start typing and press Enter to search

吳記鼎邊銼-台北自由行-台北好去處-台北住宿-台灣自由行-機加酒德壽宮是唯一擁有個西式建築物的古宮為古宮增添一種現代的色彩-首爾自由行-韓國自由行-韓國旅遊-首爾景點-韓國機票