東京自由行-東京必去-東京景點-東京旅遊
本拉麵喺香港開到成行成市，去到日本各個東京景點之後又少不免必食拉麵，如果傳統口味豬骨、醬油、鹽味食到厭，不如試下東京必去新派fusion風，以下呢間係黃師虎我發自內心、真心、誠心、用心推介，我自己都必食，自從上年東京自由行食過一次就念念不忘，今年東京旅遊再去又食，已經成為我canteen。今次喺度輕輕一推～
去年東京自由行第一次遇上Due Italian，從地鐵站去靖國神社的路上，見到這東京必去拉麵店門口擺著一個牌，說店舖得過2015-2016連續兩年米芝蓮推介(今年再去，牌已改成2015-2017連續三年！)。當時有幾個本地人排隊，拉麵行意式fusion路線，看起來吸引，try try佢，等了一會就有位。
東京旅遊夏日限定蕃茄冷拉麵好好好好食啊！由六款不同品種的車厘茄製成(仲有一粒士多啤梨)，令酸甜味的層次豐富。仲有張紙仔話畀你知今日用左邊幾款茄，好貼心好細心。
鋪天蓋地的茄，加上煙韌Q彈的冷麵，每一口都是fresh的感覺，好清新好開胃。從未食過如此必食的拉麵，感覺新奇，食完之後成個人都好似健康咗，腸胃都乾淨咗。我每食一啖都忍唔住發出讚歎聲呻吟聲，「好味啊」「好正啊」「嗯～」原來拉麵可以係咁樣樣啊～蕃茄拉麵唔一定係配茄湯，仲可以係原粒茄上～嗯～好好味啊～
東京自由行一山還有一山高，食完驚艷之蕃茄麵，發現呢個芝士拉麵 (1180yen)更不得了，必食中嘅必食，推介中嘅推介，絕對是天跌落嚟嘅美味，餐廳本身就是一個東京景點！
結合意式fusion風情，棄傳統叉燒而取Parma ham，更細心地將之擱於碗的兩側，避免浸在湯裡變得過鹹。芝士不強求牽絲，只是低調地融入湯中，香而不膩，滑而不滯，芝香與脂香的合拍度達到100巴仙，簡直是和洋合璧的完美示範。肴核將盡之時，店員更會端上一小碗熱辣辣美人玄米飯 (還有我大愛的芫茜～) (所以店員是一直偷偷在看我吃麵嗎羞～)，讓你倒進湯裡當燴飯，實行一湯兩味，一滴湯也不浪費！
古有從大明湖看山東人，今有我從芝士拉麵看日本人。那芝士不會懶係大支野要做主角，只是恰如其分地襯托著整碗麵，謙卑如日本人，重民族勝利多於個人榮譽。
東京必去！好好食，真係好好食，必須推介，我當下即時發誓，以後再去東京自由行都必食，結果剛剛七月我又去了東京自由行，我又真係返咗去食。
今次東京自由行再去翻啅芝士拉麵，美味依舊，是次東京旅遊仲試埋檸檬拉麵 (980yen)，同樣是獨家fusion出品，看起來其貌不揚，我還以為會有幾片檸檬鋪在上面，像以創意生果料理聞名的網絡紅人幽默大師，哈哈。酸酸的湯底非常開胃，好清新，又好似幫我洗多次腸咁，不過真係好酸，愈食愈酸，但又酸得好過癮，唔係西檸雞嗰種酸，唔知點形容，哈，我都係最愛芝士拉麵，unbeatable！
呢款檸檬拉麵有杯麵版，Amazon有得賣。米芝蓮星級杯麵咁有gimmick，我試完再同大家分享！
如此出眾的東京必去拉麵店，全國只有三家分店(兩間東京，一間橫濱)，不粗製，不濫造，盡顯大和民族對品質的注重，對味道的執著！價錢還跟一般拉麵差不多，讓大眾都能分享這份米芝蓮星級美味！東京旅遊不可錯過。
睇餐牌其實仲有好多嘢想試，那個Day Rice和Night Rice，還有甜品，還有另一招牌菜黃金鹽拉麵，這次東京旅遊都想試…… 無奈實在太飽了，唯有下次東京自由行再食，大家等我啊，食完會即刻再推介(到時可能又冧莊米芝蓮了)！
Due Italian
- 地址：東京都千代田區九段南4-5-11富士ビル1F
- 交通：市之谷站(JR或地鐵)沿靖國通一直走，麴町郵局旁
- 網址：www.dueitalian.jp
爺去的不是旅行，是江湖 Facebook：
https://www.facebook.com/seethroughwrong
GoFlyLa – 酒店機票旅遊優惠代碼：
（香港人請進）https://hk.goflyla.com/酒店優惠代碼
（台灣人請進）https://tw.goflyla.com/優惠代碼
